西式點心最吸引之處，就係有華麗得令人目炫的外表。赤柱wildfire近日推出唔少驚喜新菜式，其中hightea天秤形吊盤和掛起串燒的特製叉的線條優美，將食物吊高嚟擺，又靚又盞鬼，掛住欣賞，差啲唔記得咗享受面前的美食。當叉上的燒烤食物全部進入我的肚裏的時候，望住光禿禿的長叉，突然覺得自己好似破壞咗一件藝術品咁，罪過罪過！
記者：邵超
攝影：陳偉強
呢個茶餐絕對會帶畀人幸福的感覺，天秤上的薄餅和放喺下面的五款鹹甜茶點，有外在又有內在美，望住天秤盪呀盪，好有美感。
一柱擎天的串燒，帶子和青瓜在鮮甜中透着微微的燒烤味道，吃燒烤還是要在海邊吃才夠情調。
師傅話五罐健力士才煲成四、五十碗湯，並用羊湯做底，材料有「鬼佬意米」巴利、雜菜和香料，飲落唔會燥火。
wildfire
（28136161）
地點：赤柱美利樓二樓