老婆忙湊女　睇鹹片充飢
木村色心動兜搭空姐

萬人迷木村拓哉主演的日劇《GOODLUCK!!》，以超過百分之三十的高收視，企硬每周日劇收視榜的榜首，而他與此劇演員有關的新聞亦份外惹人注目，繼有指他對女主角柴崎幸過份關愛後，近日再度傳出他對參演此劇的空姐虎視眈眈。

有味禮物
據雜誌《女性自身》報道，木村日前在其個人電台節目中談及此劇時說：「各位空中小姐，快啲寄你哋啲有味禮物畀我啦！」但數個星期之後，木村卻語帶失望地在節目中說：「點解連一張靚女空姐嘅fax都冇㗎？」
報道又指木村礙於已有家室，不敢公然在片場兜搭空姐。未知是否因老婆工藤靜香忙於湊女，令木村「欲求不滿」，他曾在其電台節目中說：「上次去夏威夷拍外景時，喺酒店睇咗好多鹹片，我最鍾意就係金髮靚女！」

推出寫真
與此同時，有份參演此劇並份屬木村好友的名新聞報道員安住紳一郎，則多次相約客串該劇的空姐舉行相睇派對，更乘機攬攬抱抱抽水。據知因該班空姐見木村沒有現身而大叫「搵笨」，故安住近日特意騙木村出席其中一次派對，相信木村應會樂在其中。
此外，在此劇中飾演空姐的二十一歲名模畑田亞希，在劇集出街後人氣急升，故打算乘勝追擊，在四月推出寫真集《別冊「Popteen」畑田亞希》。