久未與香港車迷見面嘅快意汽車（Fiat），將於今屆日內瓦車展會場上，展出兩部以「Project」名字為首嘅新車；兩者擁有不同個性之餘，設備配搭又見齊全，難怪未正式展出已令人留有深刻印象啦！
快意汽車將會響今年秋季開始，陸續於多個歐洲市場推出一款小型MPV，以滿足用家嘅需求。
呢款暫名為Project350嘅小型MPV，車子體形小巧唔在講（車長約4米以下），就連造型亦富有年輕活力感，加上車廂空間靈活多變，用作擺放郊遊活動用品最適合不過，而且重好啱一班年輕用家，趁住假期揸部車去沙灘或郊外玩㗎！引擎配搭方面，廠方將會為其安排有1.4公升及1.3公升Multijet引擎作主打，其後更會加入1.2公升引擎，以迎合不同用家需要㗎！
呢款快將推出，並暫名為Project169嘅小車，造型設計同樣極具活力感，加上嬌小敏捷嘅車體設計，用以穿梭橫街窄巷，絕無問題可言。然而，新車將會以一台1.3公升引擎作主打，其後廠方又會為其加入1.2公升型號，並配以5前速手動或半自動波箱，從而令新車嘅性能表現更見突出呢！