早論，亞Mark曾經講過，話嚟緊香港出售嘅新一代本田Accord，會係泰國製美國版型號；及後，終於得到代理方面嘅證實，而且佢哋重準備響嚟緊3月中，安排一眾本地傳媒，前赴泰國作實地測試㖭！講真吖！試車都係其次，事關呢一代新Accord，去年下半年經已響東瀛本土及北美推出，反而佢哋想畀班傳媒知道，呢部MadeinThailand嘅新Accord，造工同裝嵌都係水準之作，唔似得舊有北美製嘅Accord咁粗糙嘛！查實，據亞Mark所知，遲吓響東南亞出售嘅本田新車款，除咗豪華轎車及高性能轎跑車外，都會逐步移師到泰國生產，所以話本田MadeinThailand，既係事實又係未來硬Sale畀車迷嘅Image㖭！