專售名牌鞋履和手袋的OnPedder，昨日在其中環店舉行預展，並請來名髮型師KimRobinson在場講解今季時尚化妝和髮型趨勢。Kim一展其大師功架，包辦昨日幾位有份演出的模特兒的髮型，為每位模特兒set頭，Kim都只花了一分鐘。
專售名牌鞋履和手袋的名店OnPedder，昨日於其中環店舉行名為「AllThat'sSpring」的春日潮流鞋履預展，由名模周汶錡（Kathy）及李嘉慧等示範最新款鞋履。
昨日除了OnPedder要員周嘉玲在場打點外，大會更請來名髮型師KimRobinson任特別嘉賓，講解今季化妝髮型潮流趨勢。昨日數位演出模特兒的髮型，均由Kim一手包辦，他說：「今季化妝同髮型潮流會興懷舊，係一個極度女性化嘅模樣，有濃厚五、六十年代嘅影子，化妝會流行粗眼線同鮮紅色嘴唇。」
至於髮型方面，Kim說：「搖滾punkstyle同東洋cutie已經唔再流行，反而流行微微曲髮，同埋好不經意嘅凌亂感覺。今日我幫幾個模特兒set嘅髮型，每個只係用咗一分鐘就完成，其中我最鍾意Kathy個髮型，因為佢個樣好有女人味。」
而周嘉玲昨日則真空以AlbertaFerretti的藍色裙子上陣，她謂未來工作將忙個不了，下月會飛往新加坡及上海等地公幹，四月則會飛往米蘭及西班牙等地參觀鞋展。問周嘉玲現在工作順利，是否完全淡出演藝界？她說：「我永遠都咁鍾意電影工作，不過喺我揀呢份工嘅時候，已經好清楚知道要犧牲啦。」
問周嘉玲感情生活怎樣？她笑說：「唔可以話好多姿多采嘅，係有幾個人追緊囉，我重係選擇緊。」
