很多名人後代都喜歡到外國留學，好像朱玲玲和林建岳與前妻謝玲玲的子女，分別在英國和美國留學，昨日朱玲玲、謝玲玲先後在機場出現，原來二人不約而同探完在海外留學的子女返港。
謝玲玲昨午獨自返港，司機前來接機，她說：「啱啱探完仔仔、囡囡返嚟！」美伊一旦開戰，問謝玲玲會否擔心在美國的子女安全？她說：「都冇辦法啦！佢哋要讀書，所以我咪要佢哋每日都打電話畀我報平安囉！」
而朱玲玲昨日二時許步出赤鱲角機場，她蹺着長子霍啟剛有說有笑，霍啟剛甫見記者，禮貌一笑，然後說：「我哋啱啱喺英國返，去探細佬。」問霍啟剛情人節有否陪伴女友盧恬兒，他一聽到「女友」二字，即迴避說：「嗰時我喺英國，唔好再問啦！」
採訪：JessicaNgan、RitaLeung、EddieWong
攝影：MatthewLam