伍詠薇前日生日，前晚七時她主持新城電台訪問期間，其好友姚嘉妮、蔡一傑、黃佩霞和囡囡Camelot帶來蛋糕為伍姑娘慶生辰，令壽星女一度感動落淚。
伍姑娘不肯透露年齡，只稱未夠三十五歲，她前晚說：「我嘅生日願望就係生BB，舊年我同老公都好忙，就唔啱時間，今年希望身體健康之餘，要努力造人。我老公以前幫我搞驚喜生日會，次次都俾我揭發，但係今日佢一直話要開會，好似唔得閒理我咁，真係畀到驚喜我。」
伍姑娘的夫婿練海棠一直聲稱「唔得閒」，但到節目尾聲，卻突然出現，送上一束花。練海棠說：「本來諗住同老婆燭光晚餐，但係賣唔甩啲朋友，今晚會一齊食意大利菜。」
採訪、攝影：卓寶花