寶翠園減價由低調進行變公開，新地亦同時畀經紀額外獎金，由噚日起計，最快喺一個月成功賣出50個單位，代理行就可以額外得到100萬獎金。周國賢好有信心話，隨時兩個禮拜已經可以搞掂喎。
電盈嘅貝沙灣亦唔執輸，噚晚公布即日起至下周一，只要總銷量超過248伙，就會以97.6萬獎勵促成交易最多嘅代理行，名額兩個，平分獎金。
本報上個禮拜六神州樓市，介紹和黃上海全新租盤御翠園，文中提及租金每呎四十蚊，和黃負責人打電話嚟，話御翠園雖然係豪宅，但冇咁貴，正確呎租係二十至二十二蚊，月租五萬五至十一萬。佢話寫貴咗個價，最怕係嚇親有意租住嘅外商，蘭西喺度向發展商同準租客講聲抱歉。個盤將於4月份推出第一期招租，為數42座洋房，對象係跨國公司高級職員。
蘭西
電郵地址：