電影《新紮師妹續集》將於下月開鏡拍攝，今次導演馬偉豪特地找來有「少年版木村」之稱的日籍台灣新演員小松拓也加入演出，與楊千嬅、吳彥祖拍檔。
由馬偉豪執導的新片《新紮師妹續集》將於下月在上海拍攝，本報收到消息，馬偉豪今次特別發掘一位在台灣有「少年版木村」之稱的靚仔新人在該片演出，為電影加入新火花。
這位二十五歲的日本演員小松拓也早前在台灣推出其個人專輯，賣了二萬多張，在新人中成績算是不俗。小松拓也六年前曾在台灣讀書，所以識講國語，而煞食之處是他除了擁有鬼鬼哋的靚仔外形外，更加懂得創作，所以在台灣一出道，即備受矚目。
小松拓也將於下月來港，除了宣傳他的唱片之外，更加會拍電影作雙線發展，現時他已接拍了由馬偉豪執導、楊千嬅和吳彥祖擔正主演的電影《新紮師妹續集》。
本報就此事聯絡馬偉豪，他對小松拓也讚不絕口，馬偉豪昨在電話中說：「我上次去台灣係見過佢，覺得佢幾靚仔，又高大有型，連作曲都得，好有才華同有潛質。」
問馬偉豪在《新》片中小松拓也是否男主角之一？馬偉豪說：「第一男主角係吳彥祖，第二男主角就要睇小松有冇期，佢好忙，喺台灣拍緊劇，我都想同佢合作嘅，睇佢經理人畀唔畀到期我囉。」
採訪：陳月媚
