唔知係咪新官上任有三把火呢？剛啱過檔越野路華出任營業經理嘅SamuelSun，首個任務自然係清理2002年嘅存貨；但想唔到響個多星期內，佢就將二十多部Freelander清晒，家陣正忙於三月將Showroom搬過去香港灣仔告士打道㖭！
亞Mark聽聞佢哋新開嘅前後舖，面積有成四千尺咁闊落，睇嚟唔似淨係擺Freelander、Discovery同RangeRover咁簡單噃！據知響新人事新作風之下，佢哋將會打破傳統，率先響今年內引入配用柴油引擎嘅DiscoveryTd5型號，相信有唔少RV發燒友會好雀躍；其次，過往從未正式引入嘅Defender車系，亦好有機會登陸香港，咁班Fans就可以唔使再買翻新車啦！有興趣嘅Fans，就要拭目以待喇！