宣萱曾與好友反目，並被對方公開指摘，因此有段時間，宣萱患上了「人類恐懼症」，寧對狗好，也不對人好。至於緋聞男友羅嘉良，宣萱則指對方這些年來灌輸了很多想法給她，對她影響甚深。
宣萱日前穿上性感服飾，接受雜誌《瑪利嘉兒》訪問。宣萱入行以來是非不少，她表示自被好友（劉曉彤、袁詠儀、陳芷菁）公開指摘後，一度患上「人類恐懼症」，工作後只想回家，覺得對着狗仔比見人好。
宣萱說：「這個圈有真誠嘅人，當然假嘅比較多，或者可話係客氣，唔似讀書時啲同學。初入行嗰陣，身邊好多朋友同我講，將來就算紅咗都要保持自我，我唔會話自己冇變，但基本上宣萱重係宣萱，做人嘅宗旨冇變到，我只係冇以前咁多嘢講，亦冇以前咁開心。」
宣萱續說：「真實世界裏面人與人之間嘅信任非常脆弱，以前我以為你對人好，人哋自然會對你好，但原來都係錯嘅。以前人哋對我好少少我就歡天喜地，以為咁樣就叫好朋友，𠵱家識得睇人眉頭眼額，當然唔係每一個都係壞人，但亦毋須要人人交心。」
談到緋聞男友羅嘉良，宣萱直言對方對她有一定影響，她說：「羅嘉良係一個捱咗好多年至出頭嘅男演員，咁多年嚟，佢的確灌輸咗好多想法畀我。娛樂圈係我第一份工，我可以咁快做女主角，要識得感恩。」
宣萱自言很想拍拖，因身邊的朋友都結了婚，她說：「如果係圈中人，最難係睇住對方同其他女藝人拍親熱戲，如果可以，都係同圈外人拍拖好啲。」