公務員減薪終於明朗化，公務員事務局局長王永平亦都鬆一口氣，噚日佢出席政府傑出顧客服務獎時就鬼咁風騷，唔再揦埋口面。佢頒完總冠軍畀衞生署同香港郵政，以及其他獎項之後就滿場飛，去幾個政府部門嘅攤位四圍昅。
平叔去到屋宇署攤位，見到人哋整咗個危樓布置，就講笑話：「企呢度影相呀？君子不立危牆之下喎！」
當佢見到警務處一個成五呎幾六呎高嘅女警模型，又口花花話：「嘩，佢高過好多男人呀！」輪到去公務員事務局嘅「地頭」，新聞官諗住硬銷，叫佢企喺印咗公務員事務局做嘅民調報告板前面影相，點知平叔好鬼馬咁話：「唉！呢啲相，佢哋一定唔會登啦！」。
〔圖〕身材短細嘅王永平話呢個女警模型高過好多男人。
傳真︰2623-9278
電郵︰