剛收到行內堅料，香港《WE6International》行貨將快過台灣及韓國派貨，如無意外應該明日會見街。今次新版採用全英文介面及說明書，雖不對應日版舊Save，不過就更新咗唔少球員資料，如歐洲主要球隊及南美嘅阿根廷將全部以真名登場，日本球隊能力就減弱貼近現實等，可惜有份打入02世盃嘅中國同南韓均不會以真名示眾。《WE6International》以DVDROM作儲存媒體，雖不支援硬碟，不過Load碟速度飛快，據實地測試嘅機迷透露，新版本操作上比《WE6FE》更便利。另一小道消息指，首批貨賣價約$340，由於貨量唔多，清晒後就差不多要等到3月中打後先有第二批貨，有心玩嘅機迷要昅實喇。
記者：徐影龍