知識產權署今日有個春節聯歡酒會，會請埋部份律師行嘅律師參與。有律師友覺得好奇怪，因為知識產權署同律師行嘅關係，有啲似法官同律師，律師要代表客戶申請商標註冊，知識產權署就負責審批同仲裁；咁法官同律師食飯，會唔會有啲瓜田李下呢？
律師友話，𠵱家已經有傳言話，知識產權署對大型律師行會手鬆啲，因為大行人強馬壯，拗起上嚟好麻煩。
知識產權署副署長張錦輝梗係話唔會對大行手鬆啲，一切按法律辦事，酒會只係聯絡吓相關人士，傳遞吓重要信息啫，「佢哋嘅酒會，我哋唔會去」，但署方請佢哋就唔同，一年一次啫。
八方聽佢講得頭頭是道。點知律師友一語踢爆：「上兩個月麥堅時律師行個酒會，我見到知識產權署有八、九個人去喎。」
傳真︰2623-9278
電郵︰