話咁快自由黨就成立咗十年，作為一個富貴黨，黨慶當然威好多啦，佢哋打算五月十三號喺會展擺番五、六十圍賀賀自己，董特首都已經應承畀面出席。
不過正如自由黨老友話齋，食飯寡咗啲，現正四處徵求意見，八方有老友就天馬行空建議啲餘興節目，最好請埋公務員代表同台演出，大家都知啦，田北俊最近周圍搞班公務員，見到公務員分階段減薪，佢又要分階段加稅，如果有機會同公務員真情對話都幾有睇頭。又有人建議田大少同二少北辰做棟篤笑，最好搵埋佢哋嘅真正好朋友上台，到時唔知邊個有份呢？
傳真︰2623-9278
電郵︰