財政司司長梁錦松最近三喜臨門，第一係前高官俱樂部面臨解散，第二係減薪加稅大計底定，第三就係做老竇。路邊社話，松嫂今個禮拜就生得，各大傳媒已經有成隊人長駐瑪麗等候松女降臨，噚日重整咗單阿松見Baby（李國寶）嘅美麗誤會。
先講第一樣，話說阿松一上任，就有傳聞指佢對離任高官坐住晒啲公營機構嘅一把手位置有意見，又暗示陳方安生明益自己友，將所有肥缺都留番畀舊部。咁阿松就當然要「撥亂反正」啦，過去一年點解有咁多奇怪動作，循此思路，好易明解。
第二樣，公務員允減薪，商界又肯加稅；個預算案嘅內容，全部都係大家建議嘅，重唔過梗？
至於第三樣，就確實值得恭喜。特區新班底成立以來，一鑊接一鑊，禍不單行，呢單算係第一件喜事囉。
傳真︰2623-9278
電郵︰