手起刀落，肉隨砧板的食物，是否真能讓主婦們隨意處置，揀塊合適的砧板是關鍵所在。賣了三十幾年砧板的根叔，始終覺得傳統木砧板最好：「松木適合食肆，木憲木就啱家用。」但年輕一代不懂斬雞劏魚，其他附帶慳位、伸縮等功能的膠砧板，及賣樣的玻璃和卡通砧板，一樣煞食！
記者：吳佩璇
攝影：周旭文、伍慶泉
ImageGirl：Suki
72歲的岑根，半生人與砧板結緣。自67暴動那年，便開了「岑根記」，主力賣木砧板，也有膠砧板。36年的經驗，根叔還是覺得傳統木砧板最好用：「食肆大廚都用松木砧板，尤其係魚檔同燒臘檔，木身腍，肉唔會走。木憲木斬落冇咁食刀，但勝在更硬淨同重身，冇咁易磨蝕，適合一般家用。」
做了這麼多年，甚麼客人也有。最近就有個客仔要求一塊有半個人咁高的木砧板，說是為方便打製魚蛋。單是運送這嚿大木頭，已大費周章！也有客人偏好不同大小的砧板，這裏也有切割服務，鍾意𠝹幾大塊砧板都得，一般不另收費。
食力松木砧板
根叔話木砧板愈多用愈好，尤其是較腍身的松木，其好處是夠啜刀，自問經常入廚就最啱用。像這塊紋理清晰，一睇就知係靚嘢！而且這種企紋切割，斬嘢包冇糠。
（直徑8"）（$80）（c）
硬淨木憲木砧板
木憲木砧板勝在夠硬淨，不易磨蝕，也沒松木般易爆裂，更適合一般家庭使用。這裏有直徑12、13及14吋三種大小。
分別售$98、$108及$150（c）
千年松木砧板
有說木身上每一條紋代表一年，看這塊松木砧板，就知其千年道行！尤其適合豬肉檔或酒樓食肆。（$750）（c）
隔除肉汁木砧板
這塊木砧板的最大好處是沿邊設有坑位，方便切雞、牛等肉類時，可盛住肉汁。有3種不同大細任君選擇。
12"×8"（原價$90，特價$72）
14.5"×10.5"（原價$140，特價$112）
18"×12"（原價$200，特價$160）（a）
伸縮砧板任你處置
要肉隨砧板上，除買一塊質地好的砧板外，有靈活伸縮性、可任你擺放的砧板，亦是不錯選擇。原來普通的這塊膠砧板，兩邊就是多了一個可伸縮的鐵架(伸縮度為31cm至42cm)，切好食物後可將砧板晾於鋅盤之上，令煮食時更方便慳位，尤其適合香港地轉個身都有困難的蚊型廚房！
12"×11"（原價$95，特價$76）（a）
滑梯式砧板
切好食物，又要將其上碟再落鍋，有時都幾煩！此砧板則在前端做了一個小滑梯的設計，方便將切好的食物直接放入鍋。
14"×8"（a）（原價$55，特價$44）
企身水果砧板
這類顏色奪目又細細塊的膠砧板，最啱用嚟切吓水果之類。砧板角落有個三角位，將該三角形拆出來，就是一個小托架，目的同樣是為慳位，可將砧板戙起。
長形 10.5"×6.75"（$35）
方形 8"×8"（$35）（b）
擺得上枱圓砧板
一如大部份的膠砧板，這塊亦內含永久性抗菌元素，可防止食物受細菌交叉感染，且雙面設計，可分別處理生及熟的食物。其特別處是設有軟膠定位，防滑避震，唔怕膠砧板冇食力！
直徑12"（$70）（b）
戙篤企手柄砧板
同上述的滑梯砧板異曲同工，這個附設手柄的膠砧板，同樣是方便將切好的食物直接放入鍋裏。而此手柄更一物兩用，可同時作為腳架晾起砧板，可將其戙篤置於牆角或其他罅位，絕冇話阻碇。
11.5"×7"（$65）（b）
$60激抵玻璃砧板
砧板總給人硬邦邦的感覺，但玻璃砧板一改作風，通常以食物的MonogramPattern現身，加上帶點透明，講樣簡直無敵！玻璃都可以切嘢？穩唔穩陣㗎？玻璃砧板用上不易碎玻璃，莫講話切嘢，聽講都唔易跌爛。而且有抗菌功能，清洗容易，油污一沖即去。較適合搓麵粉、切生果之類，又或作隔熱墊用亦可。現由原價每塊$180，減至三分一價錢，以激抵價$60發售，不妨買多塊看門口！
長形玻璃砧板：16"×12"
方形玻璃砧板：12"×12"
圓形玻璃砧板：直徑12"（a）
木砧板最要講究，選購時以重手、木紋密謂之好。清理方面，每日使用後用清水沖抹乾淨。為防爆裂，可鋪濕布過夜、得閒浸吓水、又或間中掃些少油上面。出門或一段日子不煮食，可索性用膠袋封好。
而膠和玻璃砧板基本上好易打理，除了清水，用洗潔精清洗砧板亦沒問題。
一般來說，砧板的抗熱性能都較低，放置時應盡量遠離煮食爐等熱源。
為免細菌感染，切過生肉的砧板，不宜再用作切熟肉。
（a）永安百貨
地址：上環德輔道中211號
電話：28521888
（b）city'super
地址：銅鑼灣時代廣場BasementOne
電話：25062888
（c）岑根記砧板刀庄
地址：深水埗長沙灣道272號地下
電話：27285686