陳小春的緋聞女友王敏慧（Marianne）、梅艷芳和鄭中基等，前晚齊齊為無綫節目《加港星輝耀頤康》現身電視城。
張栢芝翻𠝹小春成功，二人日前更與中國星的同事同遊泰國。Marianne前晚刻意迴避記者，更一度想找阿梅求救，但阿梅卻反過來玩Marianne。阿梅說：「大方啲，靚先俾人影，又唔見我俾人影，我同你合照，話你係我條女，傳我同你搞埋一齊。」
事後Marianne接受訪問時說：「我同小春只係朋友，feel唔到佢追我，小春份人好好。係你哋話小春同栢芝復合，咁就恭喜佢，我甩難啦！」
此外，鄭中基早年亦曾與栢芝傳緋聞，對於栢芝翻𠝹小春，他說：「唔知，係就恭喜佢，我都冇follow佢啲嘢，等佢哋返嚟先笑吓佢哋。我𠵱家淨係想田蕊妮同杜汶澤快啲結婚，因為到時小春做佢哋伴郎，我做佢哋伴娘。」
採訪：王崇穎 攝影：陳志嵐