李華明自從被沒收回鄉證之後，一直無緣踏足內地食荔枝，前兩日八方竟然聽到佢話，心思思想帶埋老婆囡囡去樟木頭度假。唔通佢已經成功補領回鄉證？
肥仔明話之前民主黨去過樟木頭開退思會，真係好正，風景又靚又好玩，所以想帶埋屋企人去多次。八方更加嚇一跳，民主黨竟然可以溜入大陸遊山玩水？
原來，佢講緊嘅係位於西貢帝琴灣隔籬，由「伸手助人協會」營辦嘅「樟木頭老人渡假中心」。唔止八方誤會，渡假中心職員同八方講，唔少老人家都以為營地位於內地，帶埋人民幣入營，因為東莞個樟木頭係九廣鐵路首個大站，相當出名。不過肥仔明想帶家人去呢個西貢樟木頭玩亦唔易，因為佢唔係以團體名義申請，又唔夠老，人哋當然會優先考慮老人家嘅申請先啦。
傳真︰2623-9278
電郵︰