離婚後將全副精神放在愛女欣宜身上的沈殿霞（肥姐），近日盛傳被「星洲何守信」SamuelChong追求。肥姐昨日乍聞此消息大叫尷尬，聲稱二人只有純友誼，不過肥姐卻大讚對方人品好，甚有紳士風度。
沈殿霞近日盛傳被有「星洲何守信」之稱的新加坡男主持人張永權（SamuelChong）追求，令肥姐平淡的感情生活頓起漣漪。
記者昨日致電肥姐，問她是否被猛男追求時，肥姐反問：「係咪你介紹畀我識先？」當記者告訴肥姐有關Samuel追求她的傳聞時，肥姐竟十分驚訝：「佢係好朋友，我哋大家係純友誼，你哋千企唔好亂寫呀，如果唔係就尷尬死啦！」
據知Samuel不時由新加坡飛往香港跟肥姐見面，肥姐到加拿大探望欣宜時，他也千里迢迢飛往溫哥華相陪，還為肥姐拿手袋，如此體貼，又豈止朋友這麼簡單？
肥姐沒好氣地笑說：「佢有紳士風度啫，真係俾你激死！香港同新加坡好近之嘛，我都成日飛去新加坡做嘢啦！佢飛嚟香港有時係為咗做嘢，佢有好多配音工作做㗎。至於佢去溫哥華，都係一次咁大把，安德尊夠有去溫哥華探我啦，唔通又話安德尊追我？」
問肥姐覺得Samuel為人如何？二人又可有發展機會？肥姐說：「佢份人好好，我哋拍新加坡電視劇（《肥肥一家親》）時，合作得好開心，但我當佢細佬咋，對方有好條件，我怕傳出呢啲新聞後，會阻礙到人哋咋！我哋六月又再合作，惟有當幫套劇宣傳啦！」
問肥姐想不想找個伴終老？肥姐歎說：「我今年五十五歲啦，重講呢啲嘢咩！有欣宜我就足夠啦！」
採訪：戴彩煥