眾人媽打民政事務局常任秘書長李麗娟噚日幫伸手助人協會賣曲奇，不過一開始就俾同場嘅香港小姐們搶晒風頭，美女身邊大班男人好似糖黏豆咁，媽打呢邊嘅路人就繞路而過。
精明嘅媽打一見勢色唔對，馬上改變策略，走埋去表演台嗰邊搵觀眾買。佢見人就話：「我都買咗五十盒呀！」加上甜美嘅笑容，果然個個都乖乖攞出銀包，唔使半個鐘就賣咗近三十盒。反觀香港小姐嗰邊，啲人只係掛住影相，旺丁唔旺財。
八方見媽打賣嘢咁掂，即刻走埋去學番幾招。媽打話最緊要係面皮厚唔怕醜：「我哋喺Salesman嚟㗎，喺立法會拉票都係靠逐個去講！」佢重教路，就係話畀人聽自己買咗五十盒，然後再叫人買嘅說服力就大好多。
傳真︰2623-9278
電郵︰