八方噚日睇華潤集團嘅內部雜誌，發覺一篇有趣嘅文章，係華潤集團總經理寧高寧撰寫嘅。寧總講到點樣推動華潤改革，提及寫文章前幾日喺機場遇到思捷（Esprit）主席邢李㷧（林青霞丈夫）時，讚佢呢幾年做得很好，邢主席嘅回應係：「唉，我都不知道，推動、推動，不覺事情就上去了。」寧總相信呢啲係邢主席嘅真感受，因為佢相信企業只要持續推動，就會不知不覺發生質嘅變化。
寧總又講到，根據佢嘅觀察，香港有兩家公司，十幾年前差別唔大，呢十幾年嚟做嘅嘢都差別唔大，但係「你做地產我也做地產、你做基建我也做基建，你做電訊我也做電訊，你做酒店我也做酒店，你做零售我也做零售，可十幾年下來，兩家公司差別很大，一家成了世界級企業，另一家不僅規模小多了，而且要被迫做債務重組。」寧總唔肯講係邊兩間公司，但聰明又熟悉藍籌公司嘅讀者，應該都估到啦。
傳真︰2623-9278
電郵︰