農曆年假過後，唔少汽車代理都以優惠價清2002年嘅存貨，但原來影響所及之下，有代理商為招徠買家預訂新車，亦可同樣享有咁着數嘅車價㗎！亞Mark所指咪係富士汽車囉！雖然新款Impreza仍未抵港，但佢哋為吸引買家，原本頂級版ImprezaWRXSTi定價35萬8千，但𠵱家落訂即享有兩萬蚊優惠，即係話只需33萬8咋！至於標準版Impreza，既有齊HID大燈、17吋跑車合金胎軨、尾定翼同天窗等設備，原本四門自動波同五門掀背手波版售價要24萬8千，但𠵱家落訂不過係22萬8千咋！若然你有睇過近期日本傳媒嘅報道的話，相信都應該知道新一代Impreza有幾正，想擁有嘅話真係要快一步落訂喇！事關聽聞呢個咁着數嘅Plan，好快就完結㗎！