公務員同政府傾掂數分階段減人工，就快一次過被削一成綜援嘅低下層市民都未出聲，商界已經喊打喊殺；但梁錦松同董建華應該冇有怕，商界有數講，窮人好恰，正如劉兆佳話，政府邊有公平？
八方上政府嘅新聞網，睇吓阿松同董特首有乜最新對策，竟然意外發現「特首」喺網上留言，話公務員人工唔單止唔應該減，重要加！
各位有錢佬唔使緊張，八方講緊嘅只係政府新聞網中嘅兒童天地，有一個環節「如果我是特首，我會……」其中兩位分別七歲同八歲嘅「兒童特首」，不約而同話唔會減公僕薪酬；就讀北角官立小學上午校嘅七歲小朋友盧希愉重話，公務員工作好辛苦，會加佢哋人工。公務員亦唔使開心，事關要等呢兩位小朋友當上特首，至少係三、四十年後嘅事。想知小朋友會點樣做特首，可以上
傳真︰2623-9278
電郵︰