文化中心前晚上演嘅藝術節節目「鬥牛勇士」舞蹈表演，由賭王何鴻燊贊助，吸引咗唔少名人去欣賞，包括新世界主席鄭裕彤、何志平局長同佢夫人胡慧中、何超瓊、榮文蔚等。
彤叔前晚由保鑣陪住去睇表演，八方問佢閒時有冇跳吓舞？彤叔話：「都冇Partner，點跳？」咁彤叔老婆唔係佢最佳Partner咩？彤叔竟然話太太跳得唔叻：「教佢又唔制，我哋都冇乜共同嗜好，老婆鍾意同啲孫傾偈，我就掛住做生意。」仔大孫大嘅彤叔重掛住做生意，究竟佢有冇諗過退休？點知彤叔話：「退休有乜好？千祈咪退休呀，退休即係等死㗎咋。」
傳真︰2623-9278
電郵︰