新正頭過後，小朋友終可埋單結算今年利是收穫，拿一叠叠銀紙買禮物去！玩具開倉，正合孩子心意，模型車、大公仔都不過幾十元，當然要統統買下，幾豪呀！
文：潘秋婷 攝影：伍慶泉
貿易公司為騰空貨倉迎接新貨，決定開倉清貨，貨品價錢減至一折起，其中最吸引的要算是大大盒的遙控模型車，劃一$50發售，車輛架架有型有款，顏色奪目，難得操作簡單，容易控制，而且車身頗靈活，反應又夠快，質素相當不俗。一堆堆大大盒玩具中，有太空船、警車、停車場、泥頭車，每盒都配件多多，十分細緻，小朋友要認真選購，頗有尋寶的感覺呢！
女仔最喜歡的卡通人物精品亦選擇多多，維尼熊、叮噹、Miffy、姆明齊齊出動，個別貨品低至5折，例如維尼咕𠱸、響鬧時計都幾抵買。
開倉地點：北角屈臣道海景大廈A座901至902室
開倉日期及時間：
即日至3月17日星期一至六上午11時至下午7時
查詢電話：25707628
贈品：買滿$50送原價$10飛機仔