二人男子組合Boy'Z昨日與Shine作首次同場演出，但在大會悉心安排下，兩組人始終未能碰面，反而他們的歌迷則出盡法寶為偶像打氣，其中Shine的歌迷就多Boy'Z一倍。
同為二人男子組合的Shine黃又南和徐天佑、Boy'Z的關智斌（Kenny）和張致恒（Steven）及麥浚龍（Juno）等，昨日到新世紀廣場出席新城「護心健體同樂日」活動。
昨日的焦點是兩隊男子組合Shine和Boy'Z作首次碰面，他們的歌迷各出奇謀為偶像打氣，但前者有約四百名歌迷捧場，比後者的二百歌迷多出一倍。但在大會的編排下，Boy'Z打頭陣唱歌和表演打觔斗，而Shine就壓軸演出，天佑更做掌上壓晒體能，由於前者演唱完一首歌就匆匆離開，故雙方無緣碰頭。
Boy'Z接受訪問時，表示不介意Shine的歌迷比自己的多，Steven還笑說：「話晒佢哋出道早過我哋，都係前輩嚟，我哋會視佢哋為目標，亦都好欣賞佢哋彈結他，同埋佢哋啲音樂，如果可以做朋友就好，因為大家都係男仔，有共鳴嘛。」
Shine遲了到場，兩人解釋是因為如廁，徐天佑更強調說：「我哋唔係避Boy'Z，我重好想見吓佢哋台上表演㖭。其實我同佢哋跟同一個唱歌老師，所以之前都見過面，佢哋啲歌都幾青春、幾活力，所以都睇好佢哋㗎。」
此外，Juno昨日雖然都有二、三百歌迷到場支持，但其歌迷就慘被Boy'Z和Shine的歌迷迫到上樓上支持偶像，而Juno就大方說：「唔緊要，大家都係支持偶像啫，有歌迷支持係好事，唔怕被搶風頭。」
採訪：駱華齡
攝影：林德雄
