網上銀行嘅保安問題近期成為市場關注焦點。前排，一名移居加拿大嘅本港女士聲稱被匪徒盜取個人資料，透過滙豐網上理財服務，偷走百萬元巨款。
唔知係咪同呢件事有關，八方嘅朋友報料，話收到恒生銀行電郵，通知客戶由今日起，網上銀行客戶使用網上商戶同證券公司繳費服務時，會增加一項身份核對措施，除咗要完成身份核對程序，喺繼續執行指令前，客人必須正確輸入其中三個喺身份證明文件隨機選出嘅號碼以作確認。
八方相信咁做法，網上銀行肯定更加安全，雖然客人繳費時要嘥多啲時間，做多咗覆核身份工作，但咁樣可以減低俾人「偷錢」嘅機會，應該除笨有精。
傳真︰2623-9278
電郵︰