林嘉欣和鄭伊健昨日為新片《戀之風景》開工，二人拍攝一場熊抱戲份，十分親熱。林嘉欣表示一直只視鄭伊健為弟弟，平時拍戲都對他照顧有加。
林嘉欣、鄭伊健和內地演員劉燁等，昨日在觀塘為新片《戀之風景》開工，拍攝林嘉欣熊抱鄭伊健的戲份，林嘉欣演來毫不尷尬。
問林嘉欣攬着鄭伊健拍攝，會否怕惹緋聞，或是令伊健女友梁詠琪（GiGi）誤會，她說：「我唔擔心，伊健都冇電親我，我覺得自己同伊健拍檔時，我好似佢家姐，因為我成日照顧佢。」
伊健透露月底將會到上海，與趙薇拍攝新片《炮製女朋友》。對於有報道指趙薇怕與鄭伊健拍親熱戲，因為擔心GiGi誤會，伊健說：「佢（指趙薇）咪重多緋聞男友，佢啲數目多過我，同佢拍戲我咪重尷尬。」
至於唱片合約方面，問伊健是否跟三大唱片公司傾談過檔事宜，他說：「係有三間唱片公司包括MusicNation、正東同埋EMI傾緊，不過一切交晒畀林珊珊（經理人）處理。因為冇出碟，所以GiGi寫畀我嘅歌都畀晒人，我等緊佢今年再作好歌畀我。」
此外，昨日有雜誌指林嘉欣獲瑪花纖體邀任代言人，取代鍾麗緹。林嘉欣昨日透過助手回應說：「到目前為止，林嘉欣重未係瑪花嘅代言人。」