金管局總裁任志剛鍾意行山，連出名崎嶇嘅南蛇尖，都上落十幾次，噚日佢同金管局唔少高層，加埋立法會議員陳智思，齊齊參加慈善環島行，結果全部不負所望，喺大會要求嘅十小時內行完全程。
任總出發前笑住話陳智思後生過佢咁多，要讓賽一兩個鐘先啱。陳智思有「香港馬英九」之稱，梗係唔想失威，八小時十七分完成五十公里，比任總快一小時四十一分，重話再快啲都得，不過驚谷到盡會抽筋，後段先放慢速度。
其實任總出發前已經話，人大咗一年，十小時內完成已感滿意，結果全程只較去年多咗十一分鐘，相信與太座在終點為夫打氣支持不無關係。
﹙圖﹚任志剛有太太喺終點支持，十小時內完成行程。
傳真︰2623-9278
電郵︰