今日中文大學校園會非常熱鬧，皆因中大為咗慶祝創校四十周年，早上喺校內舉行一個慈善健步行。
聽講已經有三千校友同埋親友報咗名去行，其中恒生銀行兩位威水校友鄭海泉同陸觀豪更會率領一隊六百多人嘅步行隊，浩浩蕩蕩喺中大崇基嶺南體育館出發。
兩位前校長包括高錕、馬臨都會嚟打氣，呂志和同時富嘅關百豪都會有一隊人出現。
中大方面梗係想多啲校友返回校園走走，所以有三條不同嘅路線畀大家選嚟行，懷舊線就辛苦啲要上山去新亞聯合，輕鬆線同長青線就行四十五分鐘一定掂。
重有嘉年華會，又可以為中大醫學院癌症中心籌款做善事，真係何樂而不「行」呢？開步禮十點半舉行。
傳真︰2623-9278
電郵︰