死氣沉沉咗好耐嘅日本電視劇，今季喺木村拓哉呢張王牌帶動之下，終於有番啲起色。其實好多觀眾都好似我羅拉一樣，今時今日淨係睇演技係唔夠㗎！啲演員喺戲入面着乜嘢衫聽乜嘢歌，都會成為觀眾模仿對象㗎！你睇木村全身航空公司頂級出品就知啦！ 木村喺劇集《GOODLUCK!!》入面係鑽石王老五機師，舉手投足都型過人，用嘅同戴嘅當然係貴嘢啦，而佢喺戲入面所任職嘅全日空航空公司一系列出品，真正機師都用㗎！就等我羅拉同大家介紹吓啦！