特首董建華自上任五年多來，香港樓股物價皆下跌，但有一樣不跌反升，就係生產率，而且重「翻兩番」咁多！不過，八方講緊嘅唔係國民生產，而係董家人口嘅「生產率」。
董特首噚日約班政治記者去禮賓府茶敍，不談政治，閒話家常。老董好開心咁同記者報料，佢喺五年幾前做特首時，家裏只有兩個孫女，但到𠵱家已經變咗八個，下個月重會多一個孫仔㖭。
點解喺五年幾就可以「翻兩番」咁多？全靠佢個女一次過生咗三胞胎，而呢三胞胎原來係喺瑪麗出世，怪唔得阿松嫂都要揀瑪麗開刀生產咯。
講開生仔經，老董好興奮，趁機推銷佢嘅人口政策，又話𠵱家香港人都唔肯生仔，但有記者向佢建議，不如考慮用減免稅額嚟鼓勵市民生仔，佢即刻唔回答。
傳真︰2623-9278
電郵︰