末代港督彭定康自從Bath一役輸掉議席之後,都冇參加過選擧,最近佢角逐牛津大學校長一職,睇來都唔易贏,除咗對手非等閒之輩外,最壞事可能係佢太後生,只有五十八歲,而佢嘅強敵大法官賓厄姆勳爵就已經六十九,另一個問鼎者大律師尼爾就年屆七十六。
肥彭喺歐盟份工重有一年就做完,佢早前同記者講到出口話好恨做牛津校長,又話好想回饋母校,咁牛津三年係咪佢一生最重要呢?答案竟係重要,好懷念,但係始終比唔上香江歲月。牛津方面重有一個月先投票,現階段大法官嘅支持勁啲,賓厄姆勳爵重請咗公關公司做網頁,其實做牛津校長地位高,終身制,但係冇錢收,中大周圍搵校長,不如諗吓肥彭,咁好玩佢實肯返嚟。
傳真︰2623-9278
電郵︰