我八方都話「人怕出名豬怕肥」，何解？話說上個月喺西安，有十二個人好豪咁用咗三十六萬六千蚊食「天龍御宴」，嗰間「滿漢全席飯莊」因為呢件事被傳媒大事報道之後，唔單止生意冇多到，反而重跌至新低點，卒之搞到𠵱家要公開拍賣㖭，真係陰公！
呢間飯莊係北京頤和園聽鸝館喺西北地區開嘅唯一分店，老闆話自從嗰日之後，唔知點解飯莊每日嘅營業額都係零。
不過，空穴來風，未必無因！有內地記者話，其實飯莊一開始嘅生意就唔係咁好，可能係經營同管理得唔好，再加埋呢單大新聞，就更加慘情，所以話，出名唔一定係好事。
傳真︰2623-9278
電郵︰