今日東亞盃外圍賽揭幕，賽會搵咗李暉同一百位小朋友在場與場間，集體示範武術，而足總更特別造咗件十二米乘十三米嘅紅色港隊巨型波衫臨場現身，為港隊造勢。
賽會就好照顧各參賽球隊，就算外圍賽包尾都有萬五美金（約十一萬七千港元）作為獎金，賽事更設最佳球員、射手及公平競技獎，而每個比賽天賽會均會抽出一位買飛嘅幸運球迷，該球迷將獲兩個名額於五月免費去日本睇決賽周賽事。
蒙古噚日積極準備對澳門，睇佢哋球員技術認真麻麻，前鋒真蘇列好波啲，但就係肥仔嘜一名，而且踢法就好簡單，可謂真真正正嘅業餘隊。