自古美人如名將，不許人間見白頭，賽馬世界中的雄駒亦逃不出這個定律。前香港馬王「靚蝦王」因受腳部傷患困擾多時，馬主劉錫康日前終於作出痛苦決定，提前讓愛駒退役，結束競賽生涯。視靚蝦王「好似仔女」的劉錫康坦言，對愛駒退役萬般不捨：「我梗係好唔捨得啦，眼冇喊出嚟，但係心裏面就流緊淚。」
自從前年國慶賽馬日出賽至今，靚蝦王已缺陣十五個月，昨日在馬伕牽引下，牠再次踏足沙田馬場沙圈，表現緊張及興奮，氣宇軒昂地不時擺動馬頸及踢起一雙後腳，劉錫康輕撫愛駒說：「佢認得個環境，咁耐冇跑，佢重好想跑㗎！」
靚蝦王是劉錫康九七年在雪梨復活節拍賣會上競投回來，當時拍賣價約為一百萬港元。不說不知，靚蝦王原來是最後十多隻被推出競投的馬匹之一，劉錫康當時也心想此駒是「籮底橙」，但牠如戰馬的外觀卻令他決定購入，他更聽取太太的意見，替愛駒以「靚」命名：「太太話，女人最緊要靚嘛！」
靚蝦王九八年首次出賽即旗開得勝，但賽後發現腳部脹筋，休息了大半年，劉鍚康亦曾猶豫：「唔怪得知冇人要啦！」誰知復出後，靚蝦王狀態奇勇，翌年國際賽日更擊敗眾多外隊馬匹，贏取香港短途錦標為港爭光，劉錫康才恍然：「唔通隻馬真係馬王？」
靚蝦王其後馬不停蹄南征北戰，前年國慶日揚威後，牠的右前腳腳筋嚴重勞損及發現碎骨，但劉錫康形容，愛駒有一份「爛跑」精神，「佢一跑，痛都唔理，有決心，不眠不休，佢係香港最爭氣嘅一隻馬。」
靚蝦王令劉錫康名利雙收，他也曾盡力挽救其競賽生命，包括安排牠接受手術，直至上月才接受馬會獸醫勸喻，為令愛駒將來生活沒有痛苦而決定退役。靚蝦王亦為劉錫康帶來啟示：「開頭普普通通，後期走到高峯，去到高峯就知道好快滑落，光輝好短暫。」
照顧靚蝦王已有三年的馬伕陳兆佳形容，靚蝦王有三種性格：在馬房如寵物，「好乖好嗲」；出外時又像電影明星，沒有脾氣；出賽時則是一個要拼搏到贏的勇士，「拉佢跑馬，覺得係賞心樂事、好光榮。」
靚蝦王將於明日的沙田賽事後與公眾道別，退役後將在屯門公眾騎術學校頤養天年。馬會正研究安排公眾日後到學校探訪這隻「一代馬王」。
記者：蔡建豪
