明早七點半，大家可能重喺屋企瞓緊覺，金管局總裁任志剛同立法會議員陳智思就已經喺山頂廣場，參加「第十屆綠色力量環島行─慈善行山比賽」。
任總最近忙住澄清同梁錦松冇不和，又話唔會「行騎樓底帶鋼盔」，咁唔知佢行山時又會帶啲乜嘢呢？陳智思又點解會咁勇敢參加，佢話有次同任總飯局傾開，知道任總同金管局班同事報咗名，佢又想玩埋一份。報咗名，陳智思唔想輸，所以日日練行山兩個鐘，其間重撞見過任總，先知任總都好勤力。
咁呢次比賽到底有幾辛苦？由山頂行到去大浪灣，五十公里十八小時內完成，八方聽聞任總同陳智思都想破自己以前嘅紀錄，希望九個鐘多啲行完全程，唔知邊個行得快啲呢？
傳真︰2623-9278
電郵︰