梁詠琪（GiGi）下月在紅館開第二次個唱，又要趕拍電影《向左走向右走》，忙得不可開交，為求有最好狀態，日前到由她做代言人的Fancl中環店，取了一批護膚產品扮靚靚。
梁詠琪日前出席完宣傳活動後，到了中環的Fancl專門店挑選護膚品，GiGi是該品牌的代言人，由於下月開個唱要努力保持靚樣，所以她到Fancl領取新產品及護膚品等，GiGi比較喜歡美白霜和卸妝油。
GiG除了忙於綵排和宣傳個唱，她還要替電影《向左走向右走》拍煞科戲，GiGi說：「原本我以為同金城武部《向左走向右走》喺呢個月可以拍完，但諗唔到要拍到下個月頭先至可以拍晒，𠵱家距離演唱會唔夠一個月時間，所以我都有啲擔心會唔夠時間做綵排。」
去年GiGi的歌唱和電影都有不俗成績，今年她亦會繼續雙向發展，她說：「演唱會一做完，我就要去內地拍另一部戲，公司係希望我可以兩方面都兼顧得好，喺時間分配上可能會比較辛苦，但𠵱家我重後生，有機會係應該好好珍惜，所以我就唔介意做得辛苦少少。
GiGi續說：「開演唱會對一個歌手嚟講係好有意義，如果個唱反應好，歌手自然可以得到外間人一定程度嘅認同。上年開完，今年又可以再開，連我自己都估唔到主辦單位咁睇好我。」
採訪：陳月媚
攝影：林德雄
