警方噚日喺警隊一哥曾蔭培嘅山頂官邸舉行新春傳媒茶敍，八方都有去，重發現多張一哥罕見嘅家庭照，其中幾張更有一名趣致可愛嘅BB女。
原來呢個B女係一哥嘅首名乖孫，佢話孫女叫凱明，洋名Emma，係前年結婚嘅仔所生，佢話原本按照族譜，乖孫嗰代應該要以「繁」字改名，但一哥認為女仔人家個名用「繁」字冇咁好聽，所以佢就為乖孫女改名為凱明。
一哥話小凱明𠵱家有七個月大，平日公事繁忙嘅佢每個星期總會抽一日見吓個乖孫，共享天倫之樂。
（圖）難得一見嘅一哥全家福，右起：一哥嘅女兒、兒子、孫女凱明、媳婦，同埋一哥兩夫婦。
傳真︰2623-9278
電郵︰