動作遊戲一直都係銷量保證，好似《DevilMayCry2》、《真‧三國無雙》系列等都非常受歡迎，嚟緊CAPCOM推出嘅《CHAOSLEGION》，就以動作+召喚獸掛帥，官方攻略製作人《GAMEWATCH》小白透露，遊戲故事及爽快度達一級水準，遊戲製作人小野先生亦係《DMC2》同《鬼武者》製作人之一，3月6日推出，定價$380。
KONAMI第一隻行貨嘅WE系列《WinningEleven6》國際版就會喺2月27日推出，今次除咗唔使好似以前日本版咁估估吓，全程英文解說+旁述，球員更會以真名登場，據代理龍勇表示，今次《WE6》國際版比之前嘅《WE6FE》加強咗動作及更新咗球員能力值，遊戲定價比日本版更便宜30%，只是$338。另外3月足球Fans期待大作SEGA《育成足球3》則宣布延期。
翻版商除咗遊戲有翻版之外，連攻略都唔放過，今次受害者就係CAPCOM《DevilMayCry2》攻略本，讀者買嗰時真係要睇清楚呀！
剛推出嘅GBASP連日本自己都炒到20,000日圓（約港幣$1,300），好多玩家見咁貴都望機興歎，消息人士透露行貨亦遙遙無期，原因日本同美國需求極大，加上主機火牛由110v轉到220v三腳須完全轉換包裝設計，相信暑假前都未必有機會推出行貨。