八方噚日聽電台節目，聽到中國問題專家劉銳紹介紹最近由大陸各地智囊團做嘅「中層報告」，分析香港問題。不聽猶自可，一聽先知大陸呢類報告話香港其實仍然好掂，好多地方都比內地優勝！
有權威消息人士向八方詳細解讀呢類「中層報告」，話雖然未去到阿爺枱面嘅級數，但喺內地都相當有影響力。原來呢啲報告連對「港英餘孽」陳方安生嘅價值都有正面肯定。據睇過呢類報告嘅消息人士話，報告話陳太雖然喺中港兩地融合方面造成一定阻力，但就肯定陳太對香港喺國際上嘅定位、公務員保持政治中立及敢於直言上諫等方面嘅貢獻及建樹。
傳真︰2623-9278
電郵︰