牛記笠記搭小巴　日使$70
at17純樸小歌星殺出血路

二人少女組合at17早前推出唱片，銷量不俗。仍是學生的at17，出入只搭小巴、平日則蒲維園和HMV，每日花費不足七十元。二人出席校園騷時，更以一身牛記笠記上陣，不過她們說：「我覺得我哋個樣好靚，企喺台上好有吸引力。」

二人組合at17出身自黃耀明開設的「人山人海」製作公司，由年僅十六歲的應屆中五生盧凱彤（Ellen）和二十歲的大專生林二汶組成，後者更是創作人林一峰的妹妹。
雖然at17沒有華麗包裝，亦沒有排山倒海的宣傳，但兩位能唱能作的少女，一邊彈木結他、敲着手鼓，一邊哼起歌來，新碟就這樣創出二萬張銷量的佳績。

用音樂去感動人
日前at17一晚踩兩場校園騷，分別在理大和中大表演，兩人雖欠缺天使臉孔，穿上牛記笠記就上台表演，但學生對她們很受落。對於自己的外形，她們說：「我覺得我哋個樣好靚，企喺台上好有吸引力㗎！係咪眼大大、smokyeyes、個嘴好潤就係靚呢？我哋有自信，一開始已經知道自己係用音樂去感動人，我哋唔醜樣，至少你唔會見到我哋，就想一拳質埋嚟。」

坐維園傾三小時
at17非常慳家，沒有向公司借過一毛錢，因為她們不需扮靚，又不需租用保母車。平時她們會搭地鐵坐巴士，每日花費不足七十元。
Ellen說：「我平日返學車費一來一回六個八，有時間就彈結他，去HMV睇碟，喺維園傾偈都可以講成三個鐘。」二汶則說：「我讀大專，一個月使千幾蚊，平日我最多買杯咖啡飲㗎咋。」
採訪：朱芷瑩　攝影：陳慧安