譚詠麟與李克勤昨日到新城接受《家天下》訪問，主持薛家燕更送了一個相架給克勤，祝願他與女友盧淑儀早日拉埋天窗。
由於上次演唱會反應熱烈，所以今次阿倫與克勤在歌曲上的編排會有改動，並會重新度橋做棟篤笑，阿倫又笑言要着「現代褲」，因為夠輕盈，結果被克勤取笑他要健身。
阿倫更踢爆克勤在演唱會前，竟然在後台食殘廢餐，克勤說：「因為我出場時只係半飽，咁唱唱吓要補充番，我咪一路換衫，一路等人餵白飯我食囉。」
此外，前日阿倫和克勤都有探望蔡國權，兩人表示蔡國權現時情況穩定，而且已經開始認得身邊的人，阿倫說：「佢四肢𠵱家都郁得，不過驚佢扯到啲儀器，所以可能會用繩綁住佢雙手，而且佢話克勤邊度識踢波，但佢就話我識，係真心話，佢真係識貨。」