復活節免費去台灣！名額重有一百個咁多。八方聽到都好想去，不過優惠只喺適合八至十五歲嘅青少年。呢個活動由台灣觀光協會主辦，聯同中華航空公司贊助，名為「台灣觀光大使獎勵計劃」，獲選嘅學生哥要肩負推廣台灣嘅使命，將台灣推薦畀香港居民。雖然講到好嚴肅、好大陣仗，其實都不過係回港後交番份報告啫。
呢個活動夾埋都要成二十幾萬，聽聞最初華航聽到要喺復活節呢個黃金檔期免費贊助機位，牙痛咁聲，不過最後都首肯。
活動雖然完全免費，但係行程都唔差。除咗必去嘅國立故宮博物館，重會去牧場同台灣最大嘅木柵動物園。
唔講唔知，原來香港人唔單止鍾意返大陸，亦係台灣嘅擁躉，年年旅遊人數有增無減，喺○一年就有超過四十三萬人次，成為繼日本之後，台灣嘅第二大旅遊客路。
要免費去台灣，只要喺三月十六日前到
傳真︰2623-9278
電郵︰