我大口羅拉覺得好多嘢唔恨得咁多，好似𠵱家十七歲嘅上戶彩，舊年喺日劇《3年B組金八先生》入面做「小茄喱啡」學生妹，一年後已被力捧成為歌、影、視三棲發展嘅女星，重喺日本啲偶像雜誌期期霸封面，都咪話小嘢。
阿彩呢一年轉變好大，所以佢喺過去一年嚟拍嘅電視劇、寫真同錄音嘅花絮片段，又成為佢嘅生財工具。最近推出嘅DVD《uetoayafilmsvol.01"PUZZLE"》，雖然封面冇阿彩個樣，但DVD入面就輯錄咗佢嘅生活片段、拍劇同錄音等等嘅花絮。平時性感極有限嘅阿彩，瞓喺沙灘合埋眼伸脷個冧樣，亦令男fans想入非非。
最令麻甩fans津津樂道嘅，相信會係肉騰騰嘅阿彩着吊帶裙，同埋喺雨中自摸嘅樣，十足小池榮子咁性感！
表情多多嘅阿彩，始終係細路女，所以拍寫真時，都會整古做怪扮鬼臉，一時扮海狗，一時又扮豬嘴，錄音時俾監製訓話嗰陣，佢又會扁起個嘴，真係睇到我大口羅拉笑爆嘴。阿彩喺接受訪問嗰陣時，重感觸到喊晒口，成臉眼淚，認真感情豐富！