近期香港車市，有唔少汽車代理商都出現人事變動；就好似農曆年前亞Mark曾經提過，話越野路華嘅TerenceCheng離職，佢嘅位置會由LeonardCheng兼任。點知年假過後，有口痕友話畀亞Mark知，原來森那美集團經已另覓人選，以填補Terence嘅位置，而且重經已上任㖭！究竟係邊個？咪係跟Leonard同樣出身於豐田代理皇冠車行，並曾出任總舵手SalesManager一職嘅SamuelSun囉！早年Samuel因為移民加拿大關係，跟香港車壇闊別咗好一陣子，及後回港經Leonard引薦下，曾出任萬事得灣仔Showroom嘅營業經理，輾轉又過檔去奧迪代理旗下，現再與Leonard攜手分別掌管福特同越野路華，相信未來本地車市又會再現新一輪衝擊呢！