二人組合Twins昨日早上十一時左右由泰國返港,蔡卓妍(阿Sa)明顯曬黑了,她說:「我哋今次係去拍嘢,不過我就喺嗰邊成日曬,所以明顯黑咗好多。」 孫佳君失魂 而十一時半左右洪金寶從台灣返港,他向記者說:「我啱啱喺台灣打完高爾夫球返嚟,不過我即刻又要去愉景灣打波。」記者問他早前與范冰冰傳緋聞一事,他說:「我老婆都知道呢件事,佢睇完之後都得啖笑。」 此外,孫佳君昨日下午亦出現機場,她透露此行是返新加坡,未知她是否趕着登機,入閘時竟忘記取回登機證。