蝴蝶谷道奪命車禍疑因腳掣失靈引致，香港汽車高級駕駛協會副主席蒙海強指出，現時法例規定，所有車輛在設計上必須要配備兩套掣動系統，即使其中一套掣動系統失靈，另一套便會自動啟動作後備，因此近年因腳掣失靈而出現的意外經已減少。他說，腳掣失靈有可能是供應高壓煞車油的油喉爆裂，令煞車油無法輸送到車胎所致。
他提醒駕駛人士「落斜」時，要緊記利用低波行車及減慢車速。他說，若駕駛人士感到車輛失控，可嘗試「拖波」由「四波轉入三波」、「三波轉入二波」，利用引擎活塞的摩擦力慢慢減慢車速，而且兩眼直望，雙手緊握軚盤保持車輛直線行駛，左右腳則分別緊踏離合器和腳掣。
至於腳掣失靈的問題，蒙海強認為與平日維修保養不足有關，呼籲駕駛人士每周至少檢查一次「三油三水」，三油即偈油、煞車油、波箱油；三水即水箱水、電池水和洗玻璃水等。
本報記者