陳慧琳（Kelly）昨日到商台接受訪問，她表示日前在東莞做騷，當地歌迷非常熱情，由於舞台很大，所以不少歌迷由四方八面擁上台，幸好當地保安很醒目，截住所有男歌迷，只有女歌迷可上台獻花。
Kelly說：「不過佢哋實在太熱情，我都俾佢哋送嘅花紙整到塊面，好彩冇損到。」問她可有預防肺炎？她說：「我哋個個都好健康咁上去，好健康咁落返嚟，唔擔心得咁多。」
此外，Kelly正籌備世界巡迴演唱會，包括三藩市、大西洋城及加拿大等地，預計四月舉行，但Kelly說：「如果美國開戰就應該唔會去。」，會否買重保險？她說：「冇聽過喎，不過如果主辦要我去，我都會去嘅。」